ភ្នំពេញ៖ គណបក្សប្រជាជនកម្ពុជាបានប្តេជ្ញាបន្តដង្ហែតាមអង្គព្រះមហាក្សត្រដោយឥតងាករេ និងប្តេជ្ញាបន្តការពាររដ្ឋធម្មនុញ្ញ ការពាររាជរដ្ឋាភិបាលស្របច្បាប់ ការពាររាជបល្ល័ង្ក និងការពារអង្គព្រះមហាក្សត្រ ដោយមិនឱ្យនរណាមករំលោភបំពានបានជាដាច់ខាត។
គណបក្សប្រជាជនប្រកាសថ្កោលទោសយ៉ាងដាច់អហង្ការបំផុតចំពោះការប្រមាថ និងការចោទប្រកាន់ឥតព្រំដែនម្តងហើយ ម្តងទៀតរបស់ជនក្បត់ជាតិ ទណ្ឌិត សម រង្ស៊ី និងបក្សពួកដល់អង្គព្រះមហាក្សត្រជាទីគោរពសក្ការៈដ៏ខ្ពង់ខ្ពស់។
គណបក្សប្រជាជនកម្ពុជាបានអំពាវនាវដល់ស្ថាប័ន និងអាជ្ញាធរមានសមត្ថកិច្ចចាត់វិធានការច្បាប់ឱ្យបានម៉ឺងម៉ាត់ជាទីបំផុតទៅលើទណ្ឌិតជាប់ទោសក្បត់ជាតិរូបនេះទៅតាមរដ្ឋធម្មនុញ្ញ និងច្បាប់ជាធរមាន។
គណបក្សប្រជាជននឹងនៅតែបន្តគាំទ្រយ៉ាងពេញទំហឹងចំពោះការកម្ចាត់ចោលមនោគមវិជ្ជាជ្រុលនិយមរបស់ជនក្បត់ជាតិ៣ជំនាន់ឱ្យអស់ពីកម្ពុជា។
ជាមួយគ្នានេះ ក្រសួងយុត្តិធម៌ និងក្រសួង ស្ថាប័ននានាក៏បានចាប់ផ្តើមចេញសេចក្តីថ្កោលទោសលោក សម រង្ស៊ី យ៉ាងផុសផុលផងដែរ៕
